19. - 21. mars 2025.
Vi fortset dei opplevingsrike turane saman med vinjournalist og Sommelier Merete Bø, denne gongen til England. Merete er ein av Norges fremste vinjournalistar, og er ein av to programleiarar i podkasten «Jeg kan ingenting om vin». Merete har også gitt ut ei rekkje bøker om vin og mat.
Våren 2024 besøkte vi Champagne saman med Merete, og no står altså den engelske sida for tur. Dei siste tiåra har engelsk vin vakse fram som ein skjult skatt i vinverden, og spesielt regionen Kent har fått mykje merksemd. Det begge desse regionane har til felles er kalkbeltet som strekk seg frå Burgund, via Champagne, over den engelske kanalen og til England. Den steinete og kalkhaldige jorda er særskilt godt egna til dyrking av vin. Og kanskje er nettopp dette ein av grunnane til at England dei siste åra har pusta Champagne i nakken.
På denne turen skal vi smake oss gjennom vinane til nokre av Merete Bø sine utvalde engelske produsentar, både større namn og meir ukjende produsentar. Undervegs får vi lære mykje om smaking, jordsmonn og produksjon, alt dette under kunnig rettleiing av Merete. Vi skal møte menneska bak vinane, vi skal ut i vinmarkene og inn i vinkjellarane, og vi får smake mat som passar godt til det vi drikk.
