Skip to main content
Heim » Turar 2025 » Kulturreise til Lisboa med Erika Fatland

Kulturreise til Lisboa med Erika Fatland

30. april - 6. mai 2025. 

Velkommen med på ein spennande og innhaldsrik tur til Lisboa saman med forfattar Erika Fatland! 

Med Erika si nye bok Sjøfareren som utgangspunkt, vil ho på denne turen gi oss djupare innsikt i historia til det portugisiske imperiet som strekte seg frå Kapp Verde til Goa og frå Nagasaki til Amazonas. Vi får høyre om portugisiske sjømenn som Henrik Sjøfareren og Vasco da Gama, som opna sjøvegen til India og endra verdshistoria for alltid. Erika vil også fortelje om kva spor portugisarane har etterlate seg rundt om i verda, og kva impulsar dei har teke med seg heim. 

På første utflukta vandrar vi gjennom dei sjarmerande bydelane Chiado og Terreiro do Paco, der lokale guidar tek oss med på ei tidsreise gjennom smale gater og gir oss innsikt i maurarane sin lange påverknad på den iberiske halvøya. I Belém besøker vi Jerónimos-klosteret, det ikoniske Belém-tårnet og Oppdagingsmonumentet som er eit symbol på Portugal si storheitstid som sjøfartsnasjon. 

I Sintra utforskar vi den praktfulle kongelege palassen og får høyre om det dramatiske fallet til det portugisiske imperiet. På denne turen får vi også oppleve ein stemningsfull fado-kveld, der vi lærer å kjenne den portugisiske kulturen gjennom musikk og tradisjonell mat – ein kveld vi seint vil gløyme. 

Vi bu på eit godt plassert 4-sterners hotell med kort avstand til sentrum. 

[ Lukk ]
Søk

Bildegalleri

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Onsdag 30. april – Velkomen til Lisboa

    Avreise frå Oslo og Bergen tidleg om ettermiddagen. Framme i hovudstaden Lisboa om kvelden, og bussen vår tek oss rett til hotellet (for dei som har bestilt turen inkludert flyreise). Det har 4 stjerner og gir oss enkel tilgang til sentrum, perfekt for dei som ønsker å utforske byen på eiga hand.

    Etter innsjekkinga samlast vi til eit kort møte, og reiseleiar orienterer om turen og det som ventar oss dei komande dagane. Denne kvelden kan du nyte middag på eiga hand på ein av dei mange restauranter i nærleiken av hotellet.

  • Dag 2: Torsdag 1. mai – Historisk vandring i Lisboa

    Etter ein god frukost er det tid for ei felles vandring gjennom dei historiske bydelane i Lisboa. Chiado har lenge vore eit sentrum for Lisboa sitt kulturelle og intellektuelle liv. På 1800- og 1900-talet var området kjent for sine teater, kafear og bokhandlar, som tiltrekte seg kunstnarar, forfattarar og intellektuelle. Eitt av dei mest kjende møtestadene i området er Café A Brasileira, der poeten Fernando Pessoa ofte var gjest.

    Under vandringa går vi innom Rossio, eitt av dei viktigaste og mest ikoniske torga i Lisboa, der folkelivet blomstrar mellom historiske bygningar og sjarmerande kaféar. Vidare kjem vi til Carmo, der ruinane av det gotiske klosteret minner oss om jordskjelvet i 1755, og den stolte historia som følgde. Vi går vidare til Bairro Alto, det bohemske hjartet av Lisboa, med smale gater, livleg atmosfære og historiske røter som vitnar om byens utvikling gjennom hundreåra. Turen vert avslutta ved det majestetiske Terreiro do Paço. Dette er eitt av dei største og mest imponerande torga i Europa, som opnar seg mot Tejo-elva og speglar Lisboa si maritime storheit og dei mange kulturane som har sett sitt preg på byen.

    Etter vandringa kan dei som vil fortsette å utforske byen på eiga hand eller dra tilbake til hotellet med reiseleiaren.

    Om kvelden samlast vi til ein 3-retters velkomstmiddag med drikke inkludert, der vi får høvet til å bli betre kjende med kvarandre.
    (F, M)

  • Dag 3: Fredag 2. mai – Belém og den gyldne alder for oppdagingar

    Etter ein god frukost samlast vi til det første foredraget, "Et imperium blir til: Fra Henrik Sjøfareren til Vasco da Gama." Her vil Erika Fatland ta oss gjennom den tidlege fasen av Portugals sjøfartshistorie, og vise korleis desse oppdagingane la grunnlaget for det portugisiske imperiet.

    Etter foredraget har du moglegheita til å delta på ei utflukt (Mogeleg val mot tillegg i pris – Byvandring i Belém) til det historiske bydelen Belém. Vi køyrer med buss til Belém og besøker det imponerande Jerónimos-klosteret. Etter besøket nyt vi dei verdskjende pastéis de Belém, før bussen tek oss vidare til det unike Karetmuseet. Deretter vil vi ha god tid til å nyte lunsj på eigen hand.

    Vi køyrer vidare til Oppdagingsmonumentet, reist i 1960 for å markere 500-årsjubileet for Henrik Sjøfarerens død, og til det ikoniske Belém-tårnet, begge symbol på Portugal si storheitstid som sjøfartsnasjon.

    Denne kvelden kan du nyte middag på eiga hand på ein av dei mange restauranter i nærleiken av hotellet.
    (F)

    Fredag 2. mai – Belém og den gyldne alder for oppdagingar

  • Dag 4: Laurdag 3. mai – Muskatmani og vingarden Sanguinhal

    Etter ein god frukost gjer oss klare til dagens foredrag: "Muskatmani: I begynnelsen var krydderet." Her vil Erika forklare korleis jakta på krydder ikkje berre dreiv oppdagingane, men også forma den globale økonomien i fleire hundreår.

    Etter foredraget har du moglegheita til å delta på ei utflukt (Mogeleg val mot tillegg i pris – Utflukt til vingarden Sanguinhal Estate) Denne vingarden, med røter heilt tilbake til 1926, er kjend for sitt handverk og lidenskap for portugisisk vinproduksjon. Her får vi ei omvising som gir oss eit innblikk i den tradisjonelle vinproduksjonen frå vinrankane til det ferdige produktet. Vi får høyre historier om familien som har drive vingarden gjennom generasjonar og sjølvsagt smake på vinen.

    Etter omvisinga ventar ein god lunsj med lokale rettar, nøye utvalde for å komplimentere dei vinane som vi får servert. Her kan vi lene oss tilbake og ta inn den rolege atmosfæren av det autentiske Portugal.

    Tilbake på hotellet på ettermiddag, har vi god tid på eiga hand resten av dagen.
    (F)

  • Dag 5: Søndag 4. mai – Imperiets fall og Fado-kveld

    Etter ein god frukost på hotellet samlast vi til foredrag nummer tre med Erika Fatland, der ho snakkar om "Imperiets fall." Foredraget tek oss gjennom den dramatiske perioden frå Lisboa-jordskjelvet i 1755 til Nellikrevolusjonen i 1974, som markerte slutten på det portugisiske koloniriket. Her får vi eit innblikk i korleis både politiske omveltingar og naturkatastrofar har forma Portugal si moderne historie. Ho vil også snakke om korleis den portugisiske kongefamilien og heile hoffet flykta til Brasil under Napoleonskrigene, og korleis Brasil blei sjølvstendig. Dette gir oss eit fascinerande innblikk i dei store historiske omveltingane som har forma både Portugal og dei tidlegare koloniane deira.

    For dei som har meldt seg på utflukt denne dagen (Mogeleg val mot tillegg i pris – Convento de Madre de Deus og S. Jorge slottet), set kursen mot den austlege delen av Lisboa for å besøke Convento de Madre de Deus, eit kloster frå 1500-talet som i dag huser Museu do Azulejo, det nasjonale flisemuseet. Denne delen av byen er kjend for sine historiske byggverk og rolege atmosfære. Museet tilbyr ei rik samling av dekorerte fliser, kjent som azulejos, som har vore ein viktig del av portugisisk arkitektur sidan maurisk tid. Vi avsluttar besøket med ein kaffi i godt lag, før vi legg ut på tur opp mot det majestetiske Castelo de São Jorge. For å kome fram til slottet går vi gjennom bratte gater og svingete trapper, ein tur som krev at ein er i stand til å gå oppover i ulendt terreng. For dei som ikkje ønsker å gå, er det mogleg å ta ein tuk-tuk opp til slottet. Når vi kjem fram, ventar det ei imponerande panoramautsikt over Lisboa. Slottet, som har vakta byen gjennom fleire hundreår, fortel historia om maurarar, kongar og krigar, og gjev oss eit fascinerande innblikk i byens rike fortid.

    På kvelden er vi klare for ein ugløymeleg fado-kveld med tradisjonell portugisisk 3-retters middag (Mogeleg val mot tillegg i pris – Fado kveld). Fado er ein melankolsk og emosjonell musikktradisjon som har sitt opphav i Lisboa tidleg på 1800-talet. Denne musikkforma formidlar sterke kjensler av lengsel, kjærleik og tap, og er djupt forankra i den portugisiske sjela.
    (F)

    Søndag 4. mai – Imperiets fall og Fado-kveld

  • Dag 6: Måndag 5. mai – Spora etter imperiet og Den kongelege byen Sintra

    Vi startar dagen med ein god frukost før vi får det siste foredraget på turen: "Sporene etter imperiet." Erika Fatland guida oss gjennom historia og fortel korleis det portugisiske imperiet har sett varige spor både i Portugal og i verdssamfunnet.

    Etter foredraget set vi kursen mot den vakre byen Sintra (Mogeleg val mot tillegg i pris – Utflukt til Sintra), kjend for sitt frodige landskap og flotte kongelege sommarresidensar. Sintra har ei rik historie som strekker seg tilbake til maurisk tid, og byen har i fleire hundreår vore ein tilfluktsstad for portugisiske kongar og adelsmenn. I 1995 blei Sintra erklært verdsarv av UNESCO på grunn av den unike kombinasjonen av vakker natur og arkitektonisk prakt.

    Under besøket vårt i Sintra, vil vi utforske Palacio Nacional de Sintra, eitt av dei mest ikoniske monumenta i Portugal. Dette slottet, som daterer seg tilbake til maurisk tid, var i mange hundre år ein favorittresidens for dei portugisiske kongane. Palasset er kjent for sine to store, kjegleforma skorsteinar og ei unik blanding av gotisk, manuelinsk, renessanse- og maurisk arkitektur. Her kan vi utforske dei rikt utsmykka salane og nyte den imponerande utsikta over byen og det omliggjande landskapet.

    Vi tek oss god tid i Sintra for lunsj på eiga hand, før turen går vidare til Cabo da Roca, eit spektakulært punkt på Europas vestlegaste fastland, der mektige klipper stuper rett ned i Atlanterhavet. Staden er kjend som "der landet endar og havet byrjar," eit sitat frå den portugisiske poeten Luís de Camões.

    På ettermiddagen er vi tilbake på hotellet. Denne kvelden samlast vi til felles avslutningsmiddag på hotellet.
    (F, M)

  • Dag 7: Tysdag 6. mai – Heimreise

    Etter frukost denne dagen tek bussen oss frå hotellet til flyplassen (for dei som har bestilt turen inkludert flyreise). Fly frå Lisboa til Oslo om morgonen, og vi er framme i Oslo om ettermiddagen.
    (F)

Kart

Avgangar & prisar

AvreisedatoAvreisestadHotellLedige plassarFrå pris
30/4BergenLisboaFullbooka, venteliste26 950,-Book på ventelisteMer informasjon
Les meir om Lisboa»
30/4OsloLisboaFullbooka, venteliste25 950,-Book på ventelisteMer informasjon
Les meir om Lisboa»
30/4LisboaLisboa
Utan flyreise
Fullbooka, venteliste21 950,-Book på ventelisteMer informasjon
Les meir om Lisboa»
Reisekalender
11/4Blomstercruise med Tommy Tønsberg Frå 24 950,-
11/4Blomstercruise med Tommy Tønsberg Frå 23 850,-
11/4Blomstercruise med Tommy Tønsberg Frå 24 950,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize