Skip to main content
Heim » Turar 2025 » Kystruta Kirkenes til Bergen Norsk historie frå vikingane til i dag med Hans Olav Lahlum

Kystruta Kirkenes til Bergen - Norsk historie frå vikingane til i dag med Hans Olav Lahlum

7. - 12. august 2025.

Har du som mange andre drøymt om at du ein gong i livet skal ta ein tur på riksveg 1, den lange sjøvegen langs kysten av landet vårt?  No har du ein unik sjanse til å oppleve verdas vakraste sjøreise frå Kirkenes til Bergen saman med historikaren og forfattaren Hans Olav Lahlum som vil halde spennande foredrag om norsk historie frå vikingtida til det moderne Norge.

Reisa startar i Kirkenes der vi går om bord i Havila Polaris, som er eit moderne og miljøvennleg cruiseskip med all mogeleg komfort. Skipet har fleire restaurantar som blant anna serverer lokale delikatesser. Fram for alt byr denne turen på fantastiske naturopplevingar langs den spektakulære kysten vår i nord og i vest. Vi seglar gjennom vakre fjordar og dramatiske kystlandskap i nord, opplever nattssola, idylliske øyar i Lofoten, storhavet og tronge sund og øyar på Vestlandet.

Skipet stoppar i byar og tettstader som Tromsø, Bodø, Narvik, Trondheim og Bergen, og vi får sjanse til å melde oss på turar til lokale, spennande attraksjonar.

[ Lukk ]
Søk

Bildegalleri

Om skipet

MS Havila Polaris

Ein god del av av passasjerane reiser med Fotefar. Vi blir mange som reiser for å sjå denne fantastiske reiseruta og høyre foredraga saman.

Verd å vite:
På havcruise er vi usett for vêr eller andre uforutsette hendingar. Skulle dette oppstå, reserverer reiarlaget seg retten til å endre seglingsrute, tider og program. Det blir ikkje gitt refusjon for slike endringar i programmet.

Her ser du dekkplanen:

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Torsdag 7. august - Avreise frå Kirkenes

    Denne dagen reiser vi til Kirkenes og går om bord i cruiseskipet Havila Polaris. Det er eit heller lite cruiseskip med 179 lugarar totalt, men nytt og moderne (frå 2022). Skipet vert drive av batteri og LNG (flytande naturgass), og dette gjer det mogleg med ei stille og roleg oppleving langs sjøvegen av kysten vår. Det vert god tid til å nyte utsikta frå skipet sitt utsiktsdekk eller bruke skipet sine fasilitetar som badstove, boblebad, trimrom, promenadedekk, kvilestolar eller shopping.

    Når vi har fått lugarane våre, har vi tid til å gjere oss kjende med båten før vi samlast til den første middagen saman. Skipet sine to restaurantar serverer frukost, lunsj og middag av handplukka råvarer frå lokale produsentar. Det er heilpensjon om bord, så alle måltid på skipet er inkluderte i turprisen. Der er også kafear og barar på skipet, og vi finn oss ein «stamkafé» der vi kan treffe kvarandre gjennom dagen.

    Om kvelden set skipet kursen vestover langs den historiske kysten. Før middag samlast vi for eit informasjonsmøte med reiseleiar og for å møte forelesaren vår, Hans Olav Lahlum. Middag et vi saman i ein av skipet sine restaurantar for å bli kjende med kvarandre.
    (F, L, M)

    Torsdag 7. august - Avreise frå Kirkenes

  • Dag 2: Fredag 8. august - Inn i Polarlandet

    Polarlandet endrar seg etter kvart som vi seglar vestover og sørover. Denne morgonen får vi lytte til det første foredraget av Hans Olav Lahlum. Han vil i føredraga sine snakke om Norges historia heilt frå vikingtida, då havet var hovudvegen i landet, til vår tid med dagens samfunnsliv.

    Langs kysten har det vore busetting og ferdsle i tusenvis av år. Frå dei første steinalderbuarane til dagens samfunn har Norges kystline vore ein viktig del av landet si historie. Under vikingtida var kysten hovudferdsleåre for handelsreiser, og det var viktig for dei med makt å  kontrollere desse områda. Frå mellomalderen til moderne tid har kysten vore sentral for fiskeri, handel og skipsbygging, og mange små bygder og byar har vokse fram med utgangspunkt i desse næringane.

    I det første føredraget sitt tek for seg Norges historie heilt tilbake til vikingtida, gjennom mellomalder og dansketid fram til godkjenninga av grunnlova av Riksforsamlinga på Eidsvoll. Foredraget har fått tittelen Norges vei til 1814: Frå vikingstormakt til dansk lydrike».

    Utanfor vindauga ser vi etter kvart at dei store viddene  blir erstatta av steile tindar, og om kvelden seglar vi inn til Tromsø. Her kan du rusle i nattssola og utforske kafelivet i byen som har tilnamnet "Nordens Paris". Vi stoppar også i Honningsvåg og Hammerfest før Tromsø. I alle hamnene har ein moglegheit til å vere med på dei organiserte utfluktene til cruiseskipet (mot tilleggskostnad).
    (F, L, M)

    Fredag 8. august - Inn i Polarlandet

  • Dag 3: Laurdag 9. august - Idylliske Lofoten

    Om morgonen vaknar vi i idylliske Lofoten. Øyane med dei spisse fjella og kritkvite sandstrendene har ei rik og variert historie. Ein har funne spor etter steinaldermenneske som dreiv med fiske allereie for 6000 år sidan. Fisket har vore sentral i øyane sin økonomi opp gjennom historia, og er framleis svært viktig for lokalsamfunnet.

    Denne dagen samlast vi til det andre foredraget av Lahlum, med tittelen: «Norge frå 1814 til 1945: To unionsoppløysingar, ein klassekamp og ein okkupasjon». Dei store avstandane gjorde at ingen representantar frå Nord-Norge rakk fram til Riksforsamlinga på Eidsvoll. I tillegg var mange av mennene på Lofotfiske som gjorde det vanskeleg å velje representantane som skulle reise sørover.

    Vi er ikkje langt unna slaget om Narvik denne dagen. Kamphandlingane varte frå 9. april til 10. Juni, og filmen Kampen om Narvik frå 2022 gir oss eit godt bilde av dette slaget som ofte blir omtala som Hitler sitt første tap.

    Om vêret tillèt det, seglar vi inn i den smale Trollfjorden, der sjansen er stor for å sjå havørn. Denne dagen er det moglegheit for tilleggsutflukter i Harstad og Svolvær, organisert av cruiseskipet.
    (F, L, M)

    Laurdag 9. august - Idylliske Lofoten

  • Dag 4: Søndag 10. august - Videre over Polarsirkelen

    I dag er vi komne så langt sør at vi kryssar Polarsirkelen. Langs den vakre Nordlandskysten tek skipet oss gjennom eit mylder av små øyer, holmar og skjær og forbi det spesielle fjellet Torghatten, som har eit hol midt i.

    Under andre verdskrig var Norskekysten ein strategisk stad for både allierte og tyske styrkar, og mange stader har minnesmerke over soldatar og sivile som fall her. Vi seglar forbi historiske monument og stader som markerer nettopp dette, som krigskyrkjegarden på Tjøtta med gravene frå «Rigel-katastrofen» i 1944. Elles kan vi nemne Petter Dass-museet på Alstahaug som er Nordland fylkeskommune sin tusenårsstad, og ikkje minst øykommunen Vega som står på UNESCO sin verdsarv-liste.

    Denne dagen får vi det tredje føredraget av Lahlum, og denne gongen får vi vite meir om: «Etterkrigstidens Norge: Fra sosialdemokratisk orden til rotløs rikdom».
    (F, L, M)

    Søndag 10. august - Videre over Polarsirkelen

  • Dag 5: Måndag 11. august - Trondheim og storhavet

    På dag 5 seglar vi inn i den breie Trondheimsfjorden med bølgande jordbruksbygder på begge sider og ankrar opp i Trondheim. Byen vart grunnlagd av Olav Tryggvason i 997 og har hatt ein sentral plass i norsk historie. Nidarosdomen er gravstaden til Heilag-Olav og nasjonalheilagdom vår.

    Denne dagen er det mogleg å melde seg på skipet sine tilleggsturar for å oppleve Nidarosdomen eller Atlanterhavsvegen i Kristiansund.

    På denne siste heile dagen på turen avsluttar Lahlum føredragsserien sin med føredraget: Skråblikk på norsk samfunnsliv, kultur og mentalitet frå Harald Hårfagre til Harald V.
    (F, L, M)

    Måndag 11. august - Trondheim og storhavet

  • Dag 6: Tysdag 12. august – Framme i Bergen

    Siste dag på turen tek oss gjennom eit mangfaldig kystlandskap med nakne bergknausar og ein labyrint av sund og sjøvegar mellom dei mange øyane. Innover i landet ligger dei store fjordane og breane, og ved reisa sin slutt ventar vakre Bergen.
    (F, L, M)

    Tysdag 12. august – Framme i Bergen

Kart

Avgangar & prisar

AvreisedatoAvreisestadHotellLedige plassarFrå pris
7/8BergenHavila PolarisMeir enn 819 950,-BestillMer informasjon
Les meir om Havila Polaris»
7/8OsloHavila PolarisMeir enn 820 950,-BestillMer informasjon
Les meir om Havila Polaris»
7/8Havila Polaris
Utan fly
Meir enn 817 450,-BestillMer informasjon
Les meir om Havila Polaris»
Reisekalender
11/4Blomstercruise med Tommy Tønsberg Frå 24 950,-
11/4Blomstercruise med Tommy Tønsberg Frå 23 850,-
11/4Blomstercruise med Tommy Tønsberg Frå 24 950,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize