Skip to main content
Heim » Turar 2025 » Vandretur i Wales

Vandretur i Wales

1. - 6. september 2025.

Bli med på eit eventyr i naturskjønne Nord-Wales! Opplev det beste av Wales på denne unike turen som kombinerer vandring, historie og fantastisk natur. Vi bur på eit flott hotell i den idylliske byen Llandudno, kjend for sin viktorianske sjarm, vakre promenade og nærleik til nokre av dei mest spektakulære områda i Wales. Kvar dag byr på varierte opplevingar – frå turar i det UNESCO-lista landskapet rundt Conwy og majestetiske Snowdonia nasjonalpark til historiske slott og den ikoniske Pontcysyllte-akvedukten.

Wales er eit land der historie og natur går hand i hand. På turen får vi oppleve både legendariske stader som Beddgelert og det imponerande Caernarfon Castle, og det ville, vakre terrenget i Cwm Idwal og Clwydian Range. Med panoramautsikt, historiske fotefar og sjarmerande landsbyar, er kvar vandretur eit nytt kapittel i eventyret.

Når vi ikkje er ute på organiserte vandringar, kan vi nyte rolege stunder i Llandudno – med sine grøne parkar, spanande butikkar og den flotte strandpromenaden. Denne turen gir deg den perfekte balansen mellom aktiv utforsking og avslappande fritid. Pakk turskoa og bli med på ein ugløymeleg tur!

[ Lukk ]
Søk

Bildegalleri

Reiseleiar

Test 
 

Dagsprogram

  •    

    Atterhald om endringar

  • Dag 1: Måndag 1. september - Velkommen til Llandudno

    Fly frå Oslo til Wales om føremiddagen. Framme i Wales blir dei som har bestilt turen inkludert med flyreise henta av bussen og frakta til hotellet vårt i byen Llandudno for innsjekking.

    Llandudno ligg på nordkysten av Wales, i regionen Conwy. Byen er plassert mellom to åsar, Great Orme og Little Orme, og vender ut mot Irskesjøen. Llandudno byr på ei rik og mangfaldig historie, som strekkers eg heilt attende til steinalderen. Byen vart utvikla som ein ferieby på midten av 1800-talet, og er kjend for sin viktorianske og edwardianske arkitektur. Den er også berømt for den vakre naturen, dei historiske bygningane og den vennlege atmosfæren.

    Resten av denne dagen er til fri disposisjon. Llandudno har ein vakker promenade som går langs sjøen, som er perfekt for spaserturar og for å nyte utsikta over bukta. Piren Llandudno Pier som ligg i utkanten av byen, er også verdt eit besøk. Dette ein av dei lengste pirane i Storbritannia, og den vart bygd i 1878. Elles tilbyr åsen Great Orme gode turmogelegheiter, og her finn ein både ei trikkelinje som går nesten heilt opp til toppen, og ei av verdas eldste koparminer, som også er verdt eit besøk.

    Om ein ønsker å gå på shopping, er Mostyn Street staden å oppsøke. Dette er hovudgata i byen, og her finn ein eit breitt utval av butikkar og serveringsstader. Byen har fleire parkar og hagar, som Haulfre Gardens og Happy Valley.

    Det er middag på eiga hand denne dagen. Spør reiseleiar dersom du treng tips om restaurantar.

  • Dag 2: Tysdag 2. september - North Wales Path

    Etter frukost tek vi på oss turskoa og gjer oss klare for den første dagen med vandring. Denne dagen skal vi utforske North Wales Path, kor vi får frisk luft og panoramautsikt undervegs.

    Turen startar rett utanfor bymurane til mellomalderbyen Conwy, der vi også finn det UNESCO-lista Conwy Castle. Turen er om lag 6 km lang og går i lett terreng. På veg opp til Conwy Mountain går vi gjennom dei bølgande åsane på veg til Sychnant-passet og får ei nydeleg utsikt på vegen til St. Gwynans. Vi et nista vår undervegs på turen denne dagen.

    Etter turen møtest vi ved bussen i Gwynans/Dwygfylchi. Deretter fortsett vi til Conwy, kor ein kan velje å utforske byen på eiga hand eller bli med lokalguiden vår på ein roleg spasertur.

    Conwy er kjend for det imponerande mellomalderslottet og den sjarmerande gamlebyen sin. Bymuren, som også er ein del av UNESCO si verdsarvliste, er 1,3 km lang og omkransar den gamle bykjerna. Byen er også heim til «The Smallest House in Great Britain», eit lite raudt hus med ei breidde på berre 1,8 m, og St. Mary’s Church, ei kyrkje som er datert attende til 1100-talet.

    Bussen køyrer oss attende til hotellet etter vi har utforska Conwy, og det er tid for middag på eiga hand i Llandudno.

    Tysdag 2. september - North Wales Path

  • Dag 3: Onsdag 3. september - Cwm Idwal

    Vi startar dagen med ein solid frukost og gjer oss klare for nok ein flott dag med vandring. Bussen køyrer oss til Cwm Idwal, som er dagens utgangspunkt for vandring. Her skal vi følgje ein sti som går gjennom variert terreng.

    Turen startar langs ein sti i Cwm Idwal i hjartet av Snowdonia nasjonalpark, eit område kjent for sitt varierte terreng og høgtliggande landskap. Turen er rundt 5 km lang og byr på moglegheit til å oppleve unike bergformasjonar og sjeldne planteartar. Dette naturreservatet, det største i Wales, vart etablert i 1954 og har ein fascinerande historie forma av isbreane frå den siste istida.

    Området er omgitt av dramatiske fjell og klipper, som rammar inn innsjøen Llyn Idwal på ein imponerande måte. Ein av dei mest imponerande attraksjonane er "The Devil's Kitchen" (Y Twll Du), ei mørk og bratt fjellkløft som står som eit symbol på stadens ville natur.

    Cwm Idwal har også botaniske skattar, som purpursildre og Snowdon-lilja, som har overlevd sidan istida. Området er rikt på historie og folklore, inkludert soga om prins Idwal, som har gitt dalen og innsjøen namnet sitt.

    Vi et nista vår undervegs denne dagen.

    Etter turen møtest vi igjen ved bussen ved Cwm Idwal og fortsett til den livlege fjellandsbyen Betws-y-Coed. Her har vi tid til å gå rundt på eiga hand. Byen har fleire ulike typar serveringsstader, koselege butikkar og galleri med lokale kunstnarar som kan utforskast.

    Bussen køyrer oss så attende til hotellet vårt i Llandudno. Vi køyrer ei naturskjønn rute gjennom Capel Curig og Llanberis og forbi Snowdon Mountain Railway Station. Det er ein historisk togbane som tek besøkande opp til toppen av fjellet Snowdon, som er det høgste i Wales.

    Attende i Llandudno er det tid for middag på eiga hand.

  • Dag 4: Torsdag 4. september - Nant Gwynant, Beddgelert og Caernarfon

    Etter ein god frukost hentar bussen oss og tek oss med til Nant Gwynant i Snowdonia, som er dagens utgangspunkt for vandring.

    Vi går frå Nant Gwynant til Beddgelert langs den idylliske elva Glaslyn og innsjøen Llyn Dinas. På vegen passerer vi Sygun Copper Mine, ei gruve som stammar frå viktoriatida. Turen er om lag 5 km lang og går gjennom delvis kupert terreng. Vi et nista vår undervegs.

    Etter turen tek vi ein kort pause i landsbyen Beddgelert, som er kjend for soga om Llywelyn den Store og hunden hans, Gelert. Det seiast at Gelert er grave ned i området. Llywelyn var prins av kongeriket Gwynedd i Nord-Wales og regjerte over store delar av Wales frå slutten av 1100-tallet til han døydde i 1240. Han var ein av dei fremste walisiske herskarane i mellomalderen. Han utvida riket sitt monaleg og vart vald som prins av Wales.

    Beddgelert byr også på vakre steinbygningar, fin utsikt, nokre få sjarmerande butikkar og ein framifrå iskrembutikk. Etter litt tid på eiga hand her, møter vi bussen som køyrer oss til byen Caernarfon.

    I Caernarfon kan vi utforske det imponerande Caernarfon Castle, som er bygd i romersk og normannisk stil. Slottet er eitt av dei største byggverka frå mellomalderen og vart bygd på ordre frå kong Edvard I av England som ein del av erobringa av Wales. Slottet skulle bidra til å undertrykke walisisk motstand og sikre engelsk kontroll over regionen. Her fann innsettingane for prinsen av Wales stad, ein tradisjon som starta med Edvard II i 1301 og framleis blir nytta i dag. Slottet står på UNESCO si verdsarvliste.

    Caernarfon er ein livleg by med uavhengige butikkar og ein tydeleg walisisk atmosfære – der språket høyrest overalt og gir byen ein særeigen sjarm for turistar. Her får vi tid til å utforske byen, før vi møter bussen som tek oss tilbake til hotellet.

    Middag på eiga hand når vi er attende i byen.

  • Dag 5: Fredag 5. september - Clwydian Range og Llangollen

    Etter ein god frukost dreg vi austover til Clwydian Range og den vakre byen Langollen.

    Bussen stoppar ved Trevor Basin Visitor Centre, på nordsida av Pontcysyllte-akvedukten. Dei som vil, kan gå over akvedukten og attende, før heile gruppa går samla vidare på kanalstien til Llangollen, rundt akvedukten.

    Pontcysyllte-akvedukten, som kom med på UNESCO si verdsarvliste 27. juni 2009, er eit imponerande ingeniørverk designa av Thomas Telford. Det er den lengste akvedukten i heile Storbritannia. Langs kanalen kan vi også få auge på kanalbåtar som blir trekt av hestar, ein tradisjonell måte å transportere besøkande på.

    Turen langs Llangollen-kanalen er ca. 6,4 km lang og fører oss til Llangollen Wharf. Stien går i lett terreng, og har ingen krevjande stigingar. Vi et nista vår undervegs.

    Etter turen får vi tid til å utforske Llangollen, som har eit variert tilbod av kaféar, pubar, restaurantar og butikkar. Byen har også den kjende Llangollen Railway Station, med damptog og dieseltog.

    Bussen plukkar oss opp her og køyrer oss attende til hotellet. Dersom vi dreg frå Llangollen tidleg nok, kan vi vurdere ein stopp ved ruinane av den imponerande borga Castell Dinas Bran, som ruver over byen.

    Middag på eiga hand.

    Fredag 5. september - Clwydian Range og Llangollen

  • Dag 6: Laurdag 6. september - Heimreise

    Vi et ein god frukost før bussen tek oss til flyplassen (for dei som har bestilt turen inkludert flyreise). Derifrå går det fly tilbake til Oslo.

  • Viktig informasjon

    • Frå 2. april 2025 må norske borgarar ha ein godkjend ETA-søknad (Electronic Travel Authorization), innreiseløyve, for innreise til Storbritannia. Søknaden må fyllast ut av den reisande sjølv på nettet (Apply for an electronic travel authorisation (ETA) - GOV.UK) eller i ein app (UK ETA). Ein kan søke frå og med 5. mars. Gebyret er £10 (ca. 140 NOK) per person, og løyvet er gyldig i to år eller kortare om passet si gyldigheitstid er kortare enn to år.
    • Denne turen er ikkje egna for folk med rørslehemmingar.

     

Kart

Avgangar & prisar

AvreisedatoAvreisestadHotellLedige plassarFrå pris
1/9OsloWalesMeir enn 823 950,-BestillMer informasjon
Les meir om Wales»
1/9Wales
Utan flyreise
Meir enn 819 950,-BestillMer informasjon
Les meir om Wales»
Reisekalender
12/3Vandretur på paradisøya MadeiraFrå 19 950,-
18/3Kulturreise til vakre tyske byar med Gunnstein AkselbergFrå 21 950,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize