Skip to main content
Heim » Turar 2025 » New York, Philadelphia & Washington med Eva Bratholm og Joar Hoel Larsen

New York, Philadelphia & Washington med Eva Bratholm og Joar Hoel Larsen

7. - 16. oktober 2025. 

Bli med til metropolen New York og vakre Washington D.C. Vi startar reisa vår i storbyen, New York, byen som aldri søv. Her opplever vi dei store attraksjonane på Manhattan inkludert Ellis Island og Fridomsgudinna. Torsdag 9. oktober står vi på kaien når kopien av «Restaurationen» kjem inn til New York etter ei lang reise frå Norge. Den storslegne feiringa av 200 års jubileumet for utvandringa til USA blir eit av høgdepunkta på turen.

I hovudstaden, Washington D.C., er vi midt i verdas politiske sentrum. Der får vi sjå Det kvite hus, Kongressen, John F. Kennedy si grav, Lincoln-monumentet, Vietnam- og Korea minnesmerka, museum og mykje anna. Vi er så heldige å ha med korrespondentekteparet Eva Bratholm og Joar Hoel Larsen på denne spennande reisa i amerikansk politikk, kultur og historie.

Kvar dag deler Eva og Joar av sine store kunnskapar om områda vi er i. Dei gir oss morosame kåseri og interessante anekdotar om smått og stort, krydra med det siste innan politisk sladder.

[ Lukk ]
Søk

Bildegalleri

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Tysdag 7. oktober – Velkommen til New York

    Denne fredagen startar ferda vestover. Vi reiser frå Oslo og Bergen (tilknyting frå andre byar mot tillegg), og er framme på Newark flyplass i New York tidleg ettermiddag. Allereie på bussturen inn til Manhattan ser vi den verdskjende “skylinen” til verdsbyen. Vi bur på eit godt hotell i sentrum, og derifrå kjem vi oss enkelt rundt til alle dei viktige attraksjonane.

    Om kvelden blir det velkomstmøte på hotellet, der Eva Bratholm og Joar Hoel Larsen held det første kåseriet på turen. Temaet blir ein presentasjon av verdsbyen New York. Etter møtet går vi til fellesmiddag på ein god restaurant i nærleiken av hotellet.
    (M)

    Tysdag 7. oktober – Velkommen til New York

  • Dag 2: Onsdag 8. oktober – Vi utforskar Manhattan

    Etter ei god natts søvn og frukost blir det kåseri av Eva Bratholm på hotellet og busstur på Manhattan etterpå. Vi stoppar for å strekke på beina i High-Line park, bygd opp på ei godslinje over gatenivå, og i Central Park. Elles køyrer vi gjennom kjende bydelar som Wall Street, Chinatown og Greenwich Village. I Harlem et vi ein sein lunsj, før bussen tek oss til hotellet. På vegen køyrer vi også forbi Times Square.

    Om ettermiddagen besøker vi den norske sjømannskyrkja i New York, ein viktig møteplass for nordmenn i byen. Her ventar eit hyggeleg program med song. Vi får oppleve den varme og inkluderande atmosfæren som har gjort sjømannskyrkja til eit samlingspunkt for reisande og fastbuande nordmenn gjennom generasjonar.
    (L)

    Onsdag 8. oktober – Vi utforskar Manhattan

  • Dag 3: Torsdag 9. oktober – Utvandrar-jubileum Ellis Island og Fridomasgudinna

    Etter frukost startar vi dagen på konferanserommet med at Eva og Joar fortel korleis det var å bu og arbeide i USA. Begge har vore USA-korrespondentar for NRK , og Eva har i tillegg vore utanriksreportar til New York for Dagbladet.

    Deretter er vi klare for eit av høgdepunkta på turen. Vi køyrer inn til South Street Seaport Museum i nærleiken av berømte Wall Street. Her, ved kaia, ventar vi spent på «Restaurationen» som skal komme inn klokka 11.00. Det er planlagt ei stor mottaking for dei som har segla i spora til dei første utvandrarane. For 200 år sidan la den originale «Restaurationen» ut på ei reise som skulle endre liva til dei om bord, og i dag får vi oppleve eit sterk markering av denne historia, midt i den moderne storbyen. Etter dette blir det lunsj på eiga hand.

    Etter lunsj går vi til til Battery Park, ytst på enden av Manhattan, og derifrå tek vi ferja til Ellis Island. På veg ut til øya passerer vi den majestetiske Fridomsgudinna, og vi får gode forhold for fotografering. Denne øya var innfallsporten til mange av nordmennene som utvandra til Amerika.

    Om kvelden legg vi opp til at dei som ønskjer det, kan få med seg eit show på verdskjende Broadway, operaframsyning på storslegne Metropolitan Opera eller konsertbillettar til legendariske Carnegie Hall. Billettar til arrangementa må ein sjølv bestille, eller ta kontakt med oss for hjelp. Oversikt over arrangement, online billettbestilling og kva arrangement reiseleiarane vil velje, vert sende ut om lag to månader før avreise.

    Torsdag 9. oktober – Utvandrar-jubileum Ellis Island og Fridomasgudinna

  • Dag 4: Fredag 10. oktober – Eva Bratholms Brooklyn og jazz i Greenwich Village

    Vi startar dagen med eit foredrag av Eva om bydelen Brooklyn. Deretter blir det guida vandring i Eva Bratholms Brooklyn (ca. 2,5 km) i dei koselege gatene med «brownstone»-hus. Her kan vi sjå huset Eva sjølv budde i då ho arbeidde i New York. Vi et ein stor lunsj i Brooklyn Heights, før vi tek metroen til hotellet. Dei som vil, kan gå tilbake. Eva Bratholm har skrive bok om Brooklyn, så dette kan vere fin litteratur før reisa.

    Om kvelden blir det tur til Greenwich Village der vi opplever ekte New York jazz. Vi reiser med metro frå hotellet og ein kan kjøpe seg billettar til ein av dei typiske jazzklubbane i denne berømte bydelen. Det blir ein flott kveld med mange inntrykk.
    (L)

    Fredag 10. oktober – Eva Bratholms Brooklyn og jazz i Greenwich Village

  • Dag 5: Laurdag 11. oktober – Philadelphia og Washington

    Denne morgonen er det på tide å reise vidare til Washington med buss. På vegen fortel Joar oss om statane vi køyrer igjennom, som er New York, New Jersey, Delaware og Maryland.

    På køyreturen dreg vi innom Philadelphia, ein perfekt stoppestad for dei som er interessert i historie. Denne byen er patriotismens fødestad. Det var her dei skreiv under på Sjølvstendeerklæringa i 1776 og Grunnlova i 1783. Vi får ei omvising i byen gater som Bruce Springsteen syng så fint om i låten, Streets of Philadelphia. Deretter besøker vi trappene der Sylvester Stallone trena i den berømte filmen, Rocky. 

    Framme i Washington sjekkar vi inn på det sentrumsnære hotellet vårt. Vi får kvelden for oss sjølve, og kan vere med reiseleiarane på restaurant eller ete middag på eiga hand.

    Laurdag 11. oktober – Philadelphia og Washington

  • Dag 6: Søndag 12. oktober – Vi utforskar Washington

    Etter eit nytt kåseri med Eva og Joar, blir det sightseeing med dei i Washington. Vi ruslar ned til Capitol, eller "the Hill" som er det uformelle namnet på USAs nasjonalforsamling.

    Når vi snur oss, ser vi heile USAs storstove, "the National Mall", med den 169 meter høge obelisken som vert kalla Washington Monument, til minne om USAs første president og landsfader George Washington.

    Vi tar oss god tid til lunsj på eiga hand der ein måtte ønske, før vi møtes igjen og spaserer i retning mot Det kvite hus. Både Eva og Joar har vore innanfor portane her, men kan fortelje at vakthaldet har vorte sterkare, gjerda høgare og avstanden større mellom publikum og president.

    Om kvelden vert det middag på eiga hand.

    Søndag 12. oktober – Vi utforskar Washington

  • Dag 7: Måndag 13. oktober – Lincoln Memorial og Georgetown

    Vi startar dagen med sightseeing i Washington med Eva og Joar. Dagens program finn stad i andre enden av byen. Der ligg The Lincoln Memorial, minnesmerket over president Abraham Lincoln. Han la ned forbod mot slaveriet i 1863, og det var på trappa framfor Lincoln-monumentet at Martin Luther King heldt sin berømte "I-have-a-dream" tale 100 år seinare. I tillegg vil Eva og Joar vise oss Vietnam-veggen og Korea-monumentet, før vi går over til Martin Luther King-statuen, og held fram rundt den vesle kunstige dammen "The Tidal Basin".

    Vi tek oss god tid til lunsj før bussen køyrer oss vidare til Georgetown. Vi kikkar innom Martin's Tavern i Georgetown der senator John F. Kennedy fridde til Jacqueline Bouvier. På ein "Kennedy Walking Tour" er det eit dusin adresser knytta til det seinare presidentparet, og vi ser på nokre av dei.

    Tilbake på hotellet slappar vi av før middag på eiga hand.

    Måndag 13. oktober – Lincoln Memorial og Georgetown

  • Dag 8: Tysdag 14. oktober – Smithsonian Museums

    Vi startar dagen på møterommet, der Eva og Joar fortel om Washington og om erfaringane sine som korrespondentar her. Etterpå besøker vi det imponerande nasjonale museumskomplekset The Smithsonian Institution, med eit titals nasjonale museum. Dette området er så stort og innhaldsrikt at det er vanskeleg å nå over alt. Vi deler oss difor i fleire grupper utifrå kva vi ønskjer å sjå. Vi kan anbefale American History Museum, Air & Space Museum med romskip og fly, American Art Museum og American Native Museum med indianarane si historie.

    Vi et lunsj på eiga hand i museumskaféane, og dei som ønskjer det, kan fortsetje museumsrunda. Elles kan vi ta ein rusletur i sentrum av hovudstaden, som mange tykkjer er den grønaste og vakraste byen i USA. Denne kvelden møtest vi til avslutningsmiddag etter ein tur full av inntrykk.
    (M)

    Tysdag 14. oktober – Smithsonian Museums

  • Dag 9: Onsdag 15. oktober – Washington og heimreise

    Om morgonen møtest vi for eit siste kåseri av Eva og Joar.

    Vi får tid til ein rusletur og lunsj på eiga hand før bussen tek oss frå hotellet til flyplassen. Fleire vil kanskje nytte dei siste timane til litt handel eller berre å vandre rundt i parkane i nærleiken av hotellet. Reiseleiarane kan vise kor det er gode handlegater. Avreise frå Washington flyplass seint om ettermiddagen.

  • Dag 10: Torsdag 16. oktober – Heim i Norge

    På grunn av tidsforskjellen på seks timar er vi ikkje heime i Norge før dagen etter avreise, Torsdag 16. oktober.

  • Informasjon om visum/innreiseløyve

    For norske statsborgarar på feriereise krevst det normalt ikkje visum til USA. Alle norske statsborgarar må ha elektronisk lesbart pass for innreise eller mellomlanding i USA. Passet må vere gjeldande i 6 månader etter heimreise.

    Reisande til USA må registrerast elektronisk på førehand. Dette vert gjort ved å søke om ESTA. Om du prøver å sjekke inn med eit gammalt pass, vil du avvisast før reisa. Skjemaet vert fylt ut elektronisk, og du finn det ved å trykke på logoen under, eller denne linken: Official ESTA Application Website, U.S. Customs and Border Protection. For å fylle ut søknaden treng ein namn, adresse og telefonnummer til hotellet ein skal bu på i USA.

    NB! Det er framleis nokre som må søke om visum for innreise til USA, og du må sjølv sette deg inn i om du er ein av dei. Dei som må søke om visum, bør gjere det i god tid før reisa ved å henvende seg til Den amerikanske ambassaden.

Avgangar & prisar

AvreisedatoAvreisestadHotellLedige plassarFrå pris
7/10BergenNew York, Philadelphia & WashingtonMeir enn 850 650,-BestillMer informasjon
Les meir om New York, Philadelphia & Washington»
7/10OsloNew York, Philadelphia & WashingtonMeir enn 849 650,-BestillMer informasjon
Les meir om New York, Philadelphia & Washington»
7/10New YorkNew York, Philadelphia & Washington
Utan Flyreise
Meir enn 842 650,-BestillMer informasjon
Les meir om New York, Philadelphia & Washington»
Reisekalender
28/4Vandring i Sorrento og AmalfiFrå 21 900,-
30/4Kulturreise til Lisboa med Erika FatlandFrå 26 950,-
30/4Kulturreise til Lisboa med Erika FatlandFrå 25 950,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize