4. - 14. juli 2025.
Bli med på eit inspirerande strikkecruise med strikkeentusiasten Birger Berge til dei vakre øyane i vest!
Birger Berge, kjend frå sosiale media og boka Nordisk mønsterstrikk, deler sine unike strikkedesign som kombinerer tradisjonell norsk strikkekunst med ein moderne vri. Han har skapt mange populære mønster, inkludert sokkar, genserar, vottar og mykje meir.
No har du moglegheita til å bli med denne fantastiske strikkeentusiasten til øyane i vest som har så sterke garn- og strikketradisjonar. Vi startar med fly til London, der vi overnattar før vi går om bord i cruiseskipet Ambience. Derifrå går turen til Invergordon i det skotske høglandet, vidare til Kirkwall på Orknøyane, og deretter nordover til Seydisfjordur på Island. Vi besøker også byane Akureyri og Isafjordur på seglasen til Reykjavik.
Undervegs blir det spennande foredrag og strikkeworkshops med Birger, samt besøk hjå lokale garnprodusentar og aktørar på land. I mange hundre år har strikking vore ein viktig del av kulturen på alle øyane vi besøker. Difor har dei utvikla eigne metodar, mønster og garntypar, og alle desse skal vi bli kjende med. Denne fantastiske reiseruta kombinerer det beste av strikkekultur med historia til det skotske høglandet, øyane i vest og den naturskjønne sagaøya Island. Vi gler oss veldig til å ha deg med på denne reisa!
For enno fleire dagar med strikking kan du utvide cruiset: Strikkecruise til Færøyane, Orknøyane og rundt Island med Birger Berge & Magni Flyum (4-21. juli 2025).
