Skip to main content
Heim » Turar 2025 » Vandring i Sorrento og Amalfi

Vandring i Sorrento og Amalfi

28. april - 5. mai 2025. 

Kan du tenke deg på vandretur i møte med den italienske våren?  Sør for Napoli ligg vakre Sorrento med den fantastiske utsikten over Napoli-bukta og Amalfikysten, kjend for den vakre naturen. Her finn du fleire av Italias flottaste turstiar, og i fire dagar vandrar vi på Capri og på den velkjende "Gudane sin sti". Vi reknar med nydeleg  ver med bløming og grøne marker. Turen inkluderer også ein kviledag der vi samlar krefter, nyt vårsola og naturen. Kanskje du let seg freiste av ein leskande limoncello, ei stille stund med ei bok ved sjøen, eller kva med eit forfriskande bad i havet?  

Vandring på denne turen er litt utfordrande  Turane går for det meste på smale stiar som til tider kan vere litt steinete. Landskapet er kupert, og ein går både i oppoverbakke og nedoverbakke, og det er noko høgdeforskjell. Det er ein spennande vandretur der vi blir kjende med det flotte landskapet og får oppleve vårsola og bruke kroppen på dagtid og nyte det kulinariske på ettermiddag og kveld.  

 

[ Lukk ]
Søk

Bildegalleri

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Måndag 28.april – Vesuv og innsjekking

    Vi reiser med fly frå Oslo, med tilknyting frå andre byar mot eit tillegg i prisen. Når vi landar på flyplassen i Napoli, ventar bussen som tek oss til Villa Igea, eit koseleg, familiedrive hotell med flott utsikt over Napolibukta. På veg til hotellet stoppar vi ved den mektige Vesuv.  

    Vesuv er ein stratovulkan i Napolibukta, rundt 9 km aust for Napoli. Vulkanen er mest kjend for utbrotet i år 79 e.Kr. som øydela byane Pompeii og Herculaneum. Vesuv er den einaste aktive vulkanen på det europeiske fastlandet og har hatt fleire utbrot sidan den gongen. Vulkanen består av ein stor kjegle, Gran Cono, som er omgitt av ein eldre vulkankant, Monte Somma. 

    Når vi kjem fram til Villa Igea, kan vi nyte den store, vakre hagen med symjebasseng. Hotellet tilbyr gratis Wi-Fi i fellesområda, og romma er elegante med spesielle flisgolv og tremøblar. Alle romma har klimaanlegg, satellitt-TV og eige bad med badeprodukt og hårfønar. Restauranten serverer lokal mat og klassiske italienske rettar, og hotellet har også ein bar som spesialiserer seg på lokale likørar. Vi bur sentralt, og hotellet ligg berre fem minutts køyretur frå sentrum av Sorrento og jernbanestasjonen. 

    Etter innsjekking møtest vi til felles middag og informasjon på hotellet. 

    (M)

  • Dag 2: Tysdag 29.april – Dufta av sitrus

    Etter frukost skal vi ut på den første vandringa der vi får oppleve Amalfikysten og fjella som strekker seg mellom Ravello og byen Amalfi, og vi går via Castiglione og Atrani.  

    Lengtar du etter sola som varmar i andletet og dufta av solvarm sitrus? Dagens etappe går på grusvegar og trapper, gjennom vingardar og sitronlundar. Denne vandreruta byr på spektakulær utsikt over Amalfikysten og går gjennom sjarmerande småbyar og vakkert landskap. Ruta startar i Ravello, ein by kjend for historiske villaer og fantastiske hagar. Frå Ravello går vi nedover mot Castiglione, der vi kan nyte utsikta over kysten og dei vakre åsane som ligg omkring. 

    Turen går vidare til Atrani, ein av dei minste byane i Italia, men med mykje sjarm. Her kan vi vandre gjennom tronge gater og oppdage skjulte perler som ei lita kyrkje og eit pittoreske torg. Frå Atrani vandrar dreg vi  vidare til Amalfi, ein av dei mest populære byane på kysten, kjend for den imponerande katedralen og den livlege atmosfæren. 

    Heile ruta er prega av vakre utsikter, historiske bygningar og vitnar om ein rik kulturarv. Det er mange trapper og stiar, så det kan vere ein noko utfordrande tur, men premien er dei fantastiske opplevingane og utsiktene undervegs. 

    Ettermiddagen kan vi fritt nytte på eiga hand før vi møtest for felles middag på hotellet. 

    (F, M) 

  • Dag 3: Onsdag 30. april – Gudane sin sti

    Etter ein nydeleg frukost møtest vi for å vandre på den berømte “Path of the Gods”, som går frå Bomerano, ein liten landsby, som ligg i kommunen Agerola. 

    Bomerano er kjend som startpunktet for Gudane sin sti (Sentiero degli Dei), og landsbyen er omgitt av vakker natur og tilbyr fantastisk utsikt over kysten. Her kan vi oppleve det tradisjonelle Italia. På turen får vi sjå den vesle og særs sjarmerande landsbyen Nocelle som ligg 400 meter over havet, høgt over Positano. Nocelle er kjend for den spektakulære utsikta over Amalfikysten og Capri. Landsbyen ligg roleg og tilbaketrekt og gir ein fredfull atmosfære langt unna trafikk og støy. Frå Nocelle kan vi gå ned ei bratt trapp med 1700 trinn som fører til vakre Positano, der turen vår endar langs vakre strender. Ruta er omtrent sju km lang, tek til vanleg mellom tre og fem timar og byr på fantastisk panoramautsikt over kysten og Middelhavet. 

    Vel tilbake på hotellet kan vi slappe av før vi gjer oss klare for middag på hotellet.  

    (F, M) 

    Onsdag 30. april – Gudane sin sti

  • Dag 4: Torsdag 1. mai – Utforske byen eller bli med på utflukt

    Sorrento er ein fantastisk destinasjon med mykje å tilby, frå vakkert landskap og historiske attraksjonar til smakfull mat. Denne dagen kan vi  nytte til eige program. Kva med å besøke marknadene for å finne ferske råvarer, ost, olivenolje og andre lokale spesialitetar? Kanskje kan det freiste å gå på stranda eller bestille seg litt velværepleie etter dagar på vandring? For dei som ønsker det, tilbyr vi ei valfri utflukt til Positano med reiseleiar. (mogleg val mot tillegg). Positano er ein av dei vakraste byane på Amalfikysten, kjend for sine fargerike bygningar som klamrar seg til dei bratte klippeveggene. Byen byr på fantastisk utsikt over Middelhavet, tronge gater fulle av sjarmerande butikkar og kafear og flotte strender. Positano har også ei spennande historie og rik kultur, med mange kunstutstillingar og festivalar. Ein tur til Positano vil vere eit minne for livet.  

    (F) 

  • Dag 5: Fredag 2.mai – Mystikk og natur

    Vi gjer oss klare for utflukt etter frukost, og denne dagen skal vi til Capri.  

    Etter ein kort ferjetur tek vi fatt på dagens vandring. På øya Capri følgjer vi den vakre panoramastien som blant anna tek oss til Faraglioni-klippene. Desse imponerande kalksteinsformasjonane stig dramatisk opp frå havet og er eitt av dei mest ikoniske landemerka på Capri. Utsikta her er spektakulær, og du kan sjå dei tre hovudklippene: Stella, Faraglione di Mezzo, Faraglione di Fuori og i tillegg Matermani-hola. Denne mystiske hola, også kjend som Grotta di Matermania, har ei rik historie og var truleg brukt til gamle rituelle seremoniar. Stien byr på fantastisk utsikt over havet og landskapet rundt, og gir oss ei unik oppleving av Capris natur og historie. Det er ein tur som kombinerer naturoppleving med spennande oppdagingar. 

    Etter vandring blir det middag ved hotellet.                                                                 

    (F, M) 

  • Dag 6: Laurdag 3.mai – kapell og Camanella

    Etter frukost finn vi vegen til Termini på Sorrento-halvøya og Monte San Costanzo utsiktspunkt med sitt vesle kapell. Herifrå er panoramautsikta eineståande. Vidare vandrar vi til Punta Campanella, som er dagens endelege destinasjon og ligg ytst på halvøya. Punta Campanella har ei fascinerende historie som strekker seg tilbake til antikken. Ifølge legenda var det her Odyssevs møtte sirenene. Grekarane bygde eit tempel til ære for Athene på staden, som seinere vart gjort om til ein Minerva-heillagdom av romerane. På 1300-tallet vart det bygd eit vakttårn på neset som vern mot sarasenarangrep fra havet. 

    Vi et middag i lag på hotellet om kvelden. 

    (F, M) 

  • Dag 7: Søndag 4.mai – Tid på eiga hand eller utflukt til Pompeii

    Denne dagen kan du velje å slappe av og kose deg på hotellet og gå små turar på eiga hand. Du kan elles melde deg på ei bussutflukt til Pompeii. (mogleg val mot tillegg).Byen ligg like ved Napoli og ved utløpet av elva Sarno og  var opphavleg bygd som ein romersk handels- og hamneby. I år 79 e.Kr hadde den nærliggande vulkanen Vesuv eit stort utbrot, og byen vart dekt av seks meter med lava og oske. På 1500-talet oppdaga ein at det låg ruinar under dette laget, og først på 1700-talet byrja utgravingane. Ein fann då ut at det låg ein romersk by der med tempel, bad, teater, villaer og andre bygningar. Vi kan framleis sjå private hus med høg standard og flotte utsmykkingar med mosaikkar og måleri. Utgravingane avslørde også at byen var omkransa av ein tre kilometer lang bymur og gater og vegar. Som i dei fleste italienske byane, hadde også Pompeii ein stor, firkanta plass som vart kalla forum. Her gjekk det politiske og økonomiske livet føre seg, og mykje folk var samla der då utbrotet kom.  Dette er ein av dei mest kjende arkeologiske stadene i verda og gir eit unikt innblikk i livet i det gamle Romarriket. Denne utflukta med lunsj kostar kr. 890,00.  

    Vi avsluttar turen med felles middag ved Terrazza delle Sirene som inkluderer eit glas drikke. 

    (F,M) 

    Søndag 4.mai – Tid på eiga hand eller utflukt til Pompeii

  • Dag 8: Måndag 5.mai – Heimreise

    Etter frukost er det tid for heimreise. Vi sjekkar ut frå hotellet, og bussen plukkar oss opp for å køyre oss til flyplassen. 

    (F)

Kart

Avgangar & prisar

AvreisedatoAvreisestadHotellLedige plassarFrå pris
28/4OsloSorrento
Med atterhald om ledig rom
321 900,-BestillMer informasjon
Les meir om Sorrento»
Reisekalender
28/4Vandring i Sorrento og AmalfiFrå 21 900,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize