Skip to main content
Heim » Turar 2025 » Georgia og Armenia med Erika Fatland

Georgia og Armenia med Erika Fatland

28. august – 8. september 2025

Bli med Fotefar til Kaukasus, eit av verdas mest fascinerande hjørne med storslått natur og dramatisk historie. Georgia og Armenia er land der vi finn spor etter store imperium, revolusjonar og krigar, men også gamle kulturar med sterke tradisjonar, gjestfridom og verdas eldste vinproduksjon.
 
Med oss på turen har vi Erika Fatland, forfattar av kritikarroste bøker som Sovjetistan, Grensen og Høyt. Ho har reist i nokre av verdas mest utilgjengelege område og skildra livet i dei postsovjetiske statane med ei unik evne til å kombinere personlege opplevingar med historiske perspektiv. Gjennom seks foredrag vil Erika gi oss innsikt i historia til Georgia og Armenia, men også ei djupare forståing av Russland, dei tidlegare sovjetrepublikkane og Russlands naboland. Vi løfter blikket og lærer meir om korleis historia, stormaktspolitikken og arven frå Sovjetunionen framleis pregar denne regionen, og kva det betyr for verda i dag.
 
Turen startar i Tbilisi, ein av dei mest særeigne hovudstadane i verda, før vi reiser vidare gjennom fjellandskap, til gamle kloster og historiske byar. Vi kryssar grensa til Armenia og opplever Jerevan, Sevansjøen og fjellområdet Dilijan før vi returnerer til Georgia. Undervegs får vi lære om kristninga av regionen, Silkevegen sin betydning, Sovjetunionens fall og dagens geopolitikk.
 
Dette er ei unik reise der vi få ei betre forståing av verda gjennom historie, politikk og kultur. Velkommen med på ei svært innhaldsrik reiseoppleving!

[ Lukk ]
Søk

Bildegalleri

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Torsdag . 28. august – Avreise til Georgia

    Avreise frå Bergen tidleg ettermiddag, og frå Oslo om ettermiddagen. Med mellomlanding i Istanbul er vi framme i Tbilisi om morgonen neste dag, og bussen vår tek oss rett til hotellet. Det har 4 stjerner og ligg midt i hjarta av byen. Her får vi oppleve autentisk georgisk sjarm med moderne omgjevnader.

  • Dag 2: Fredag 29. august - Velkomen til Tbilisi

    Tidleg på føremiddagen samlast vi til ein lett lunsj, der vi blir betre kjende med kvarandre, reiseleiarane og guidane våre. Vi får ei kort innføring i Tbilisi si lange historie, før vi legg ut på vår første vandring i gamlebyen. Tbilisi, grunnlagd for over 1500 år sidan, har alltid vore eit viktig knutepunkt på Silkevegen. Byen ligg vakkert til langs elva Mtkvari og har gjennom tidene vore eit strategisk mål for store imperium, frå persarane til Sovjetunionen.



    På turen ser vi dei berømte Svovelbada, der kong Vakhtang Gorgasali i følgje legenda grunnla byen etter å ha oppdaga dei varme kjeldene. Vi vandrar vidare til Fridomsplassen, som markerer skiljet mellom den gamle og moderne delen av byen, og som har vore sentrum for fleire viktige historiske hendingar, blant anna Roserevolusjonen i 2003.



    Etter nokre timar på eiga hand, møtest vi til velkomstmiddag i gamlebyen, der vi får ein smak av det georgiske kjøkkenet og blir introduserte til nokre av dei mest klassiske georgiske vinane.

    (F, L, M)

     

    Fredag 29. august - Velkomen til Tbilisi

  • Dag 3: Laurdag 30. august - Frå den historiske hovudstaden til dei spektakulære Kaukasusfjella

    Vi startar dagen med eit spennande foredrag av Erika Fatland, Fra Ivan den grusomme til Gorbatsjov, eit foredrag om korleis det russiske imperiet voks frå Moskva-fyrstedømet til verdas største land. Vi får særleg innsikt i Georgias dramatiske skjebne på 1900-talet, der ein georgiar spelte ei avgjerande rolle.

    Etter foredraget sjekkar vi ut frå hotellet og set kursen vestover mot Mtskheta, den tidlegare hovudstaden i Georgia og ein av dei viktigaste historiske byane i landet. Her besøker vi Svetitskhoveli-katedralen, som står på UNESCO si verdsarvliste. Ifølgje tradisjonen er dette staden der Jesu kjortel skal vere gravlagd, og katedralen har vore eit åndeleg sentrum i Georgia sidan 300-talet.

    Etter lunsj set vi kursen mot Stepantsminda og fjellet Kazbegi (Det tredje høgste fjellet i Georgia, 5047 moh). Etter kvart kjem vi inn i dei majestetiske Kaukasus-fjella. Vi nyt den storslegne naturen og stoppar blant anna ved eit spektakulært utsiktspunkt for å oppleve den utrulege utsikta. På vegen vil guiden vår fortelje om naturen og geologien i fjella vi møter. Han vil blant anna snakke om dei tektoniske plateforskyvingar for å forklare korleis Kaukasus-fjellkjeda bokstaveleg talt har vakse fram, og vise kvifor nettopp desse fjella er eit ynda reisemål for geologar. 

    Om ettermiddagen kjem vi fram til den vesle byen Stepantsminda. Etter innsjekking på hotellet har vi god tid til avslapping etter ei lang reise. Her kan vi nyte den fantastiske utsikta frå terrassen på hotellet. Vi bur på det særeigne firestjerners designhotellet Rooms med ein enorm terrasse mot Kazbegi og Gergetis Sameba-kyrkja. Hotellet har også symjebasseng, sauna og eit godt treningsrom.  
    (F, L) 

    Laurdag 30. august - Frå den historiske hovudstaden til dei spektakulære Kaukasusfjella

  • Dag 4: Søndag 31. august - Kaukasus-fjella – vidunderleg natur og eldgammal folklore

    Etter ein god frukost er det nytt foredrag med Erika Fatland, denne gangen Putins Russland. Eit innsiktsfullt og personleg foredrag om det moderne Russland, med særleg fokus på gisseldramaet i Beslan, nær grensa til Georgia. Foredraget er basert på Erikas eigne opplevingar og hennar første sakprosabok Englebyen.

    Denne dagen legg vi opp til ein tur i Kaukasus-fjella. Desse har forma lynnet til folket som bur her, og dei har opp gjennom historia klart å forsvare Georgia sine yttergrenser mot nord. Det blir felles avreise med transport opp til treeiningskyrkja Gergeti’s Sameba. Kyrkja ligg spektakulært til ved sida av Kazbegi-fjellet med panoramautsikt over heile Stepantsminda og nærområdet. Vi opplever den ikoniske treeiningskyrkja som ligg i utkanten av Stepantsminda. Deretter har vi piknik-lunsj ute i det fri med dei mektige Kaukasusfjella rundt oss. For dei som ønskjer å gå ein tur, kan vi etter piknik-lunsjen organisere det. Turen tilbake frå kyrkja er på ca. 4 km, med høgdeforskjell på ca. 450 meter og nokre småbratte parti innimellom.

    Når vi kjem ned igjen til hotellet, har vi tid til avslapping før middag om kvelden. Her blir vi kjende med både lokale matrettar og lokale bordtradisjonar. Svend og songarvennene hans vil også introdusere oss for den særeigne folkesongtradisjonen frå denne regionen. Vi vil oppleve songen akkurat på den måten georgiarar har vore vande til gjennom hundrevis – ja, kanskje fleire tusen år, som ein naturleg og vesentleg del av festbordet. Norske, Svend, vil også fortelje litt om den unike folkesongtradisjonen ein finn i Georgia.
    (F, L, M) 

    Søndag 31. august - Kaukasus-fjella – vidunderleg natur og eldgammal folklore

  • Dag 5: Måndag 1. september - Frå Stepantsminda til Borjomi og besøk på Stalin-museet i Gori

    Etter ein god frukost dreg vi sørover til Borjomi. Undervegs stoppar vi i Gori, ein by som for alltid vil vere knytt til Stalin. Der besøker vi Stalin-museet, som sist vart renovert på 1970-talet. Det står difor framleis som eit monument over propagandakunsten frå den tida. Gori var ikkje berre Stalins fødeby, men også eit strategisk viktig punkt i den russisk-georgiske krigen i 2008. Her får vi innsikt i korleis historia framleis formar det moderne Georgia.

    Om ettermiddagen er vi framme i Borjomi som er kjend for sitt mineralvatn med påståtte helseeffektar. På 1800-talet var Borjomi ein favoritt blant den russiske eliten, og i sovjettida var byen eit av dei viktigaste rekreasjonsområda for partieliten i Moskva.

    Vi sjekkar inn på eit staselig 5-stjerners hotell, der vi kan nyte moderne fasilitetar i rolege omgjevnader. Kvelden er til fri disposisjon og ein kan slappe av på hotellet, ta ein spasertur i byen eller kanskje prøve det berømte Borjomi-mineralvatnet direkte frå kjelda.
    (F, L)

    Måndag 1. september - Frå Stepantsminda til Borjomi og besøk på Stalin-museet i Gori

  • Dag 6: Tysdag 2. september - Frå Georgia til Armenia og den historiske kulturbyen Gyumri

    Vi startar dagen med nytt foredrag av Erika, Revolusjoner og utbryterrepublikker. Vi får høyre om Georgia, Armenia og Aserbajdsjan frå Sovjetunionens samanbrot og fram til i dag, korleis Sovjetunionens fall ikkje var så fredeleg som mange trur, og korleis denne regionen blei prega av krigar, utbrytarrepublikkar og dramatiske samfunnsendringar.

    Utsjekking frå hotellet, og vi set kursen mot den armenske grensa. Vi køyrer gjennom høgfjellsplatået Javakheti, eit vilt og vakkert landskap med gamle vulkanar, innsjøar og beitelandskap, før vi når grenseovergangen ved Bavra. Etter grensepasseringa køyrer vi til Gyumri, Armenias nest største by og ein stad kjend for sin særprega arkitektur og rike kulturhistorie. Byen blei hardt råka av jordskjelvet i 1988, men er i dag ein av dei mest autentiske armenske byane, med eit historisk sentrum der bygningar frå 1800-talet er bevarte.

    Etter at vi har sjekka inn på hotellet vårt, har vi tid til avslapping før vi samlast til felles byvandring. Vi avsluttar dagen med middag, der vi blir introduserte til den armenske vin- og matkulturen.
    (F, L, M)

    Tysdag 2. september - Frå Georgia til Armenia og den historiske kulturbyen Gyumri

  • Dag 7: Onsdag 3. september – Etchmiadzin-katedralen og Jerevan

    Etter frukost samlast vi i konferanserommet på hotellet til dagens foredrag med Erika Fatland, Sovietistan. Eit djupt blikk på dei fem sentralasiatiske landa - Turkmenistan, Kasakhstan, Tadsjikistan, Kirgisistan og Usbekistan - som blei sjølvstendige etter Sovjetunionens fall. Kva held dei saman, og kva skil dei? Vi får høyre om personkultus, moderne diktatur, eldgamle tradisjonar og Sovjet-arven som framleis pregar desse nasjonane.

    Etter foredraget sjekkar vi ut frå hotellet og set kursen mot Etchmiadzin-katedralen, hovudsetet til den armenske apostoliske kyrkja og eit av dei eldste kristne sentera i verda. Armenia blei det første landet i verda som innførte kristendommen som statsreligion i år 301, og denne katedralen har sidan vore ein viktig pilgrimsstad for armenske kristne. Vi tek oss god tid til å vandre rundt i det historiske klosterområdet, og vi får sjå dei berømte detaljerte steinkrossane og dei gamle freskomåleria katedralen.

    Til lunsj får vi servert tradisjonelle armenske rettar, i landlege omgjevnader, før turen går vidare. Tidleg på ettermiddagen kjem vi fram til Jerevan, hovudstaden i Armenia, og får ein introduksjon til byen. Seinare sjekkar vi inn på hotellet vårt i sentrum, perfekt plassert for å utforske byen.

    Resten av dagen er til fri disposisjon. Dei som vil, kan slappe av på hotellet, ta ein spasertur i dei livlege gatane i sentrum, eller besøke nokre av dei sjarmerande kafeane og butikkane i nærleiken.
    (F, L)

    Onsdag 3. september – Etchmiadzin-katedralen og Jerevan

  • Dag 8: Torsdag 4. september - Jerevan – byopplevingar, museumsbesøk og tid på eiga hand

    Etter frukost samlast vi til dagens foredrag med Erika Fatland, Ukraina. Eit innsiktsfullt foredrag om Europas nest største land og den største krigen i Europa sidan andre verdskrigen. Erika fortel om Ukrainas rike historie, forholdet til Russland og om sine eigne reiser i landet, både i fredstid og under krigen.

    I dag blir det ei innhaldsrik oppleving gjennom Jerevans historiske sentrum, der vi får sjå nokre av hovudstaden sine viktigaste landemerke. Vi tek først turen til det vakre Operahuset, ein imponerande bygning som har vore eit kulturelt midtpunkt sidan 1933. Operahuset ligg ved Fridomsplassen, der både armenske kunstnarar og politiske rørsler har sett sitt preg på byen.

    Vi skal og besøke Tsitsernakaberd Memorial Park and Museum, som er vigd til minnet om massedrapa og massedeportasjonane av armenarar i det osmanske riket under og etter første verdskrigen. Dette vert offisielt rekna som eit folkemord av 29 land, mellom anna fleire europeiske statar.

    Seinare tek vi oss opp til Cascade Complex, eit spektakulært trappeanlegg som knyter den nedre og øvre delen av byen saman. Trappene er dekorerte med moderne kunst, skulpturar og vassfontener, og på toppen blir vi belønna med ei fantastisk utsikt over Jerevan, med det majestetiske Ararat-fjellet i bakgrunnen. Resten av ettermiddagen har vi tid på eiga hand.

    Om kvelden samlast vi til felles middag på ein tradisjonell armensk restaurant, der vi får smake på lokale spesialitetar.
    (F, M)

    Torsdag 4. september - Jerevan – byopplevingar, museumsbesøk og tid på eiga hand

  • Dag 9: Fredag 5. september - Frå Garni og Geghard til Sevansjøen og Dilijan

    Vi startar dagen med ein god frukost på hotellet før vi samlast til siste foredrag med Erika Fatland, fra Pyongyang til Kirkenes. Frå Nord-Korea og Kina til Baltikum, Finland og Noreg. Av Russlands fjorten naboland er Noreg det einaste som ikkje har vore i krig med eller blitt okkupert av Russland. Erika Fatland tek oss med på ei reise langs grensene til stormakta i aust.

    Etter foredraget sjekkar vi ut frå hotellet og set kursen mot landsbyen Garni, der vi finn det einaste førkristne tempelet i Armenia, oppført under den romerske perioden. Tempelet er ein arkitektonisk skatt, og her får vi høyre om Armenias heidenske fortid før kristendommen fekk fotfeste.

    Vidare går turen til Geghard-klosteret, som står på UNESCO si verdsarvliste. Dette er eit av dei vakraste klostera i Armenia, delvis hogd ut i fjellet midt i eit dramatisk landskap. Klosteret har vore eit viktig pilegrimsmål i fleire hundreår og er kjent for sine unike utskjeringar og vakre freskomåleri.

    Vi køyrer vidare til Sevansjøen, også kalla «den blå perla i Armenia». Innsjøen ligg 2000 meter over havet, omgjeve av fjell, og er ein av dei største høgfjellssjøane i verda. På halvøya Sevan får vi ei fantastisk utsikt over innsjøen, og får smake på lokal fisk frå Sevan medan vi tek inn den storslegne naturen.

    Seint på ettermiddagen reiser vi vidare til Dilijan. Her sjekkar vi inn på hotellet vårt og har tid til å slappe av før vi møtest til felles middag.
    (F, L, M)

    Fredag 5. september - Frå Garni og Geghard til Sevansjøen og Dilijan

  • Dag 10: Laurdag 6. september - Frå Dilijan tilbake til Georgia og Tbilisi

    Vi startar dagen med ein roleg frukost på hotellet i Dilijan, omgjeve av frodig skog og frisk fjelluft. Etter fleire innhaldsrike dagar i Armenia er det tid for å vende tilbake til Georgia, men før vi kryssar grensa, får vi med oss nokre siste inntrykk av dette fascinerande landet. Bussen tek oss nordover gjennom eit vakkert høgfjellslandskap til grenseovergangen ved Sadakhlo, der vi kryssar inn i Georgia igjen. Turen tilbake til Tbilisi gir oss tid til å nyte utsikta over det varierte landskapet i Lori-regionen, som strekker seg mellom Armenia og Georgia.

    Vel framme i Tbilisi tek vi ein felles lunsj, før vi legg ut på ei kort byvandring der vi blir betre kjende med den moderne delen av hovudstaden. Vi ser nærare på arkitekturen og nokre av dei viktigaste landemerka som viser Georgia si utvikling etter sjølvstendet.

    Etter byvandringen sjekkar vi inn på hotellet vårt i sentrum, og resten av ettermiddagen er til fri disposisjon. Dei som ønsker det, kan slappe av på hotellet eller bli med reiseleiarane ut på ein god restaurant.
    (F, L)

    Laurdag 6. september - Frå Dilijan tilbake til Georgia og Tbilisi

  • Dag 11: Søndag 7. september - Siste dag i Tbilisi

    Etter ei innhaldsrik reise gjennom Georgia og Armenia, har vi ein siste dag i Tbilisi til å nyte atmosfæren i denne fargerike og kontrastfylte hovudstaden.

    For dei som ønsker det, arrangerer vi ein frivillig morgontur til Narikala-festninga, der vi tek taubana frå Europaplassen opp til ein av dei beste utsiktspunkta over Tbilisi. Herifrå kan vi sjå elva Mtkvari som slyngjer seg gjennom byen, gamle murhus med snirklete balkongar og den moderne arkitekturen som pregar Tbilisi i dag. Etter besøket på festninga tek vi ein kort spasertur gjennom botanisk hage, før vi returnerer til hotellet.

    Resten av dagen er til fri disposisjon. Tbilisi har mykje å by på, og reiseleiarane gir gjerne tips til marknader, suvenirbutikkar, museum eller gode lunsjstader for dei som vil nyte dei siste timane i byen.

    Tidleg på ettermiddagen møtest vi på hotellet og set kursen mot ein god restaurant for ein avskjedsmiddag i rolege omgjevnader.

    Etter middagen returnerer vi til hotellet, der vi får tid til å slappe av før bussen køyrer oss til flyplassen rett før midnatt.
    (F, M)

    Søndag 7. september - Siste dag i Tbilisi

  • Dag 12: Måndag 8. september - Heimreise

    Med mellomlanding i Istanbul er vi tilbake på Gardermoen utpå ettermiddagen. For reisande til Bergen vert det fly vidare dit.

Avgangar & prisar

AvreisedatoAvreisestadHotellLedige plassarFrå pris
28/8BergenGeorgia og ArmeniaMeir enn 851 950,-BestillMer informasjon
Les meir om Georgia og Armenia»
28/8OsloGeorgia og ArmeniaMeir enn 849 950,-BestillMer informasjon
Les meir om Georgia og Armenia»
Reisekalender
11/4Blomstercruise med Tommy Tønsberg Frå 24 950,-
11/4Blomstercruise med Tommy Tønsberg Frå 24 850,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize